IIBB Yunusoboddagi «Cristal» supermarketida yuz bergan yong‘in bo‘yicha axborot berdi
Bugun, 12-iyul kuni taxminan soat 13:47 da Toshkent shahar IIBB YXBga Yunusobod tumani Yunus ota ko‘chasida joylashgan «Kristall» supermarketining 4-qavatida yong‘in sodir bo‘lgani haqida xabar kelib tushdi, deyiladi IIBB axborotida.
Ma’lumotga ko‘ra, binoning faqat 1-qavati ishlayotgan bo‘lgan.
Voqea joyiga 5 daqiqada birinchi yordamchi kuchlar yetib keldi, jami bo‘lib 6 ta jangovar maxsus o‘t o‘chirish mashinasi va ikkita yong‘in narvonlaridan foydalanildi.
Soat 14:11 da yong‘in jilovlandi va soat 14:18 da butunlay bartaraf etildi. Yong‘in xavfsizligi xodimlarining tezkor harakatlari natijasida olov binoning boshqa qavatlariga tarqalmadi va hech kim jarohatlanmadi. Yong‘in sabablari o‘rganilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter