2020-yil 27-avgust kuni soat 23:45 larda Toshkent shahar Mirzo Ulug‘bek tumani Parkent ko‘chasida joylashgan «Qurolli kuchlar akademiyasi» qarshisida 1993 yilda tug‘ilgan haydovchi S.J. «Neksiya-3» rusumli avtomobilni boshqarib ketayotib ushbu ko‘chada xizmat olib borayotgan YPXB Maxsus batalon 2-safarbar guruhi inspektori D.Abdullayevning to‘xtash ishorasiga amal qilmasdan harakatini davom ettirgan. KXAY-Parkent ko‘chalari chorrahasida xizmat olib borayotgan YPXB Maxsus batalon inspektori Sh.Tuklibayevning ham to‘xtash ishorasiga bo‘ysunmasdan harakatni davom ettirgan. Yuqori tezlikda harakatlangani uchun Parkent ko‘chasi 69-uy qarshisida tartibga solinmagan piyodalar yo‘lakchasidan o‘tayotgan piyodani urib yuborgan va YTH joyidan yashiringan. Avtomobilni esa Toshkent viloyati, Qibray tumani, Gulbog‘ MFY, Gulbog‘ ko‘chasiga tashlab ketgan.

Joriy yilning 28-avgust kuni soat 13:00 larda haydovchi S.J. o‘z aybiga iqror bo‘lib, IIBga murojaat qilgan va YTH joyiga qaytib kelgan.

YTH natijasida piyoda (shaxsiga aniqlik kiritilmoqda) Yevropa millatiga mansub, yoshi taxminan 65-70 larda bo‘lgan erkak kishi olgan tan jarohatlari oqibatida YTH joyida vafot etgan.

Ma’lumot o‘rnida haydovchi S.J. bir yil mobaynida 4 marotaba ma’muriy javobgarlikka tortilgan.

Mazkur YTH yuzasidan Mirzo Ulug‘bek tumani IIO FMB huzuridagi TB tomonidan dastlabki tergov harakatlari olib borilmoqda, deya xabar berdi O‘zbekiston Respublikasi IIV YHXBB Axborot xizmati.