Yerga yana bir ulkan asteroid yaqinlashmoqda
Olimlar Yerga ulkan 153 201 2000 WO107 asteroidi yaqinlashayotganidan ogohlantirmoqda. Uning diametri 370 — 820 metrdan iborat, deya xabar berdi «Vechernyaya Moskva».
Bordi-yu, Yer bilan to‘qnashgudek bo‘lsa, bunday kattalikdagi osmon jismi butun bir davlatni yakson qilishi mumkin. Biroq, mutaxassislarning fikricha, u bizning sayyoramizga hech qanday xavf solmayapti.
Yer bilan asteroid o‘rtasidagi minimal masofa taxminan 4 mln kilometrni tashkil etadi. Uni oddiy ko‘z bilan kuzatib bo‘lmaydi.
Olimlarning ta’kidlashicha, yaqinda kichik bir asteroid sayyoramizga 350 km masofagacha yaqin keldi. Nazariy jihatdan u atmosferaga ham kirishi mumkin edi. Biroq bir necha million kilometr — to‘qnashuv ehtimoli haqida o‘ylash uchun haddan tashqari olislik qiladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter