Yaqinda kashf etilgan 2024 YR4 asteroidi Yer bilan to‘qnashuv xavfini tug‘dirmoqda. Uning xavfini o‘zgartirish uchun yadro qurolidan foydalanish zarurati paydo bo‘lishi mumkin.

Bu fikrni britaniyalik astronom va jurnalist Devid Uaytxaus Sky News telekanaliga bergan intervyusida bildirdi.

NASA’ning rasmiy bayonoti

2024 YR4 asteroidining 2032-yilda Yerga to‘qnashuv ehtimoli 2.3% ga yetdi. Hozirda bu Yer bilan to‘qnashish ehtimoli 1%dan yuqori bo‘lgan yagona asteroid. Uning diametri 90 metrgacha yetishi mumkin. 2025-yil mart oyida «Djeyms Uebb» teleskopi orqali uning aniq o‘lchamlari o‘rganiladi.

Yadro qurolidan foydalanish zarurati

Uaytxausning fikriga ko‘ra, asteroidning yo‘nalishini o‘zgartirish uchun yadro qurolini ishlatish haqida jiddiy o‘ylashga to‘g‘ri kelishi mumkin. Bu jarayon 2028-yilgacha, ya’ni asteroid Yerga yanada yaqinlashganda boshlanishi kerak.

Agar 2024 YR4 haqiqatdan ham 90 metr yoki undan katta bo‘lsa, Yerga tushishi halokatli oqibatlarga olib kelishi mumkin.

Xitoy ham hushyorlikni oshirmoqda

Xitoyning davlat mudofaa fanlari, texnika va sanoat boshqarmasi «planetar mudofaa» bo‘yicha yangi mutaxassislarni ishga olishni boshladi. Bu ham 2024 YR4 bilan bog‘liq xavotirlarning jiddiy ekanini ko‘rsatadi.

NASA va xalqaro astronomlar bu masalada jiddiy tadqiqotlarni olib bormoqda. Kelgusi oylarda asteroid haqida aniqroq ma’lumotlar paydo bo‘lishi kutilmoqda.