Olimlar Yer sayyorasi qachon yashash uchun yaroqsiz holga kelishi mumkinligini o‘rganishdi

Nature Geoscience jurnalida e’lon qilingan tadqiqotga ko‘ra, kislorodning yo‘q bo‘lib ketishi tufayli Yer milliard yildan keyin – (1 000 002 021 yilda) yashash uchun imkonsiz bo‘lib qoladi. NASA va Yaponiyaning Toxo universiteti olimlari shunday xulosaga kelishdi. Ushbu ma’lumotning qanchalik to‘g‘riligini aniqlash uchun tadqiqotchilar 400 ming kompyuter simulyasiyasini, ya’ni taqqoslashni o‘tkazdilar.
Olimlarning fikricha, kislorod apokalipsisining sababi Quyoshda sodir bo‘ladigan anomal jarayonlar bo‘ladi. Tadqiqotchilarning fikricha, ozon qatlamining buzilishi atmosferadagi kislorodning asta-sekin bug‘lanishiga olib keladi. Natijada, faqat mikroorganizmlar, ya’ni yashash uchun kislorodga muhtoj bo‘lmagan anaerob bakteriyalar omon qolishi mumkin bo‘ladi.
Shu bilan birga, olimlar oldindan aytib bo‘lmaydigan halokatli hodisalar tufayli Yerdagi hayot ancha erta tugashi mumkinligini istisno etmaydi. Mutaxassislarning fikricha, texnologik taraqqiyot bu tahdidlarning oldini olish yoki yumshatishga yordam beradi.
Avvalroq Buyuk Britaniyaning Bristol universiteti olimlari superkompyuter yordamida Yer bor-yo‘g‘i 250 million yildan so‘ng butunlay yashash uchun yaroqsiz bo‘lib qoladi, degan xulosaga kelgan edi. Ularning prognozlariga ko‘ra, bunga sayyoradagi haroratning keskin oshishiga va barcha tirik mavjudotlarning nobud bo‘lishiga olib keladigan global tabiiy ofatlar sabab bo‘ladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter