Bekobodlik mast erkak profilaktika inspektori ko‘ksiga pichoq sanchdi
3-iyun kuni Toshkent viloyatining Bekobod tumanida noxush voqea yuz berdi.
IIVning xabar berishicha, shu tumanda yashovchi N.B. tuman IIBga qo‘ng‘iroq qilib, uyi oldida S. ismli shaxs mast holda janjal ko‘tarib, atrofdagilarni bezovta qilayotganidan shikoyat qilgan.
Mazkur xabardan so‘ng shu hududga xizmat ko‘rsatuvchi tuman IIB profilaktika inspektori B.A. yetib keladi. U Bekobod shahrida yashovchi, muqaddam uch marotaba sudlangan S.R.ni tartibga chaqirmoqchi bo‘lgan vaqtda u profilaktika inspektorining chap ko‘krak qismiga pichoq bilan urib, voqea joyidan qochib ketadi.
Profilaktika inspektori shifoxonaga yotqizilgan. S.R. esa hibsga olindi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter