Ayiq bolasini kim o‘ldirdi? Dehqonoboddagi holat bo‘yicha ma’lumot berildi
Davlat ekologiya qo‘mitasi inspektorlari va tuman IIB xodimlari bilan birgalikda olib borilgan tezkor qidiruv natijasida gumondor shaxs Dehqonobod tumani, «Oqqishloq» MFY, Qizilsoy qishlog‘ida yashovchi fuqaro K.Sh. ekanligi ma’lum bo‘lib, uning xonadoni tekshirilganida bir dona ayiq bolasining terisi topilgan.
Fuqaro esa ayiq bolasini o‘lik holda topganligini iddao qilmoqda.
Bu holatga aniqlik kiritish maqsadida ayiq bolasi terisi ekspertizadan o‘tkaziladi.
Gumondor shaxsdan tushuntirish xati olinib, tegishli hujjatlar rasmiylashtirilgan. Hozirda tuzilgan ishchi guruh tomonidan surishtiruv ishlari davom ettirilmoqda.
«Holat yuzasidan qo‘shimcha ma’lumotlar taqdim etiladi», deyiladi Davlat ekologiya qo‘mitasi matbuot xizmati xabarida.
Avvalroq, Dehqonobodda noyob turdagi ayiq va bolalari borligi aniqlangani xabar qilingandi. Oradan ko‘p vaqt o‘tmay, ushbu hududda o‘lik holatdagi ayiq bolasining videosi tarqaldi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter