«AN-148» halokati bo‘yicha qidiruv ishlari bir hafta davom etadi
Moskva yaqinida sodir bo‘lgan samolyot halokati yuzasidan qidiruv-tekshiruv ishlari taxminan bir hafta vaqtni talab etadi. Bu haqida fojia joyida bo‘lib vaziyat bilan tanishgan RF favqulodda vaziyatlar vaziri ma’lum qilgan.
Hozirda halokatga sabab bo‘lishi mumkin bo‘lgan barcha sabablar: ob-havo sharoiti, inson omili, samolyotning texnik holati va boshqalar o‘rganilmoqda. O‘rganish muddatining bunchalik vaqt olishi samolyot qoldiqlarining qor bilan qoplanishi, noqulay ob-havo sharoiti bilan izohlangan.
Eslatib o‘tamiz, yakshanba kuni Moskvadan Orskka parvoz qilayotgan samolyotning qulashi natijasida 71 kishi halok bo‘lgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter