Bodi-kamera 1-yanvardan ishlaydi
O‘zbekiston Respublikasi Vazirlar Mahkamasining «Ichki ishlar organlari xodimlarini mobil videokuzatuv vositalari bilan ta’minlash bo‘yicha qo‘shimcha chora-tadbirlar to‘g‘risida»gi 556-sonli qarori qabul qilindi.
Mazkur qaror talablariga ko‘ra yo‘l patrul xizmati inspektorlarini bodi-kameralar bilan ta’minlash hamda ularni ishga tushirish muddati 2020-yilning 1-yanvariga qadar uzaytirildi.
Hukumat qarorida aytilishicha, Mudofaa sanoati davlat qo‘mitasi va Ichki ishlar vazirligi rahbariyati tomonidan yo‘l qo‘yilgan ortiqcha sansalorlik va byurokratizm bodi-kameralar bilan o‘z vaqtida ta’minlanmaganiga sabab bo‘lgan.
Shu sababli Mudofaa sanoati qo‘mitasining o‘rinbosari X.B.Yusupovga va Ichki ishlar vazirining o‘rinbosari R.M.Ergashevga hayfsan e’lon qilingan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter