«Erkatoylar»ga chora ko‘rildi
Ijtimoiy tarmoqda «Kim bu erkatoylar?» sarlavhasi ostida video lavha tarqaldi. Shundan so‘ng YHXB ushbu video yuzasidan rasmiy munosabat bildirdi.
Ta’kidlanishicha, holat joriy yilning 25 may kuni, Andijon viloyati, Paxtaobod tumani, «Yuqori» MFY hududida sodir bo‘lgan. Ushbu hududda xizmat olib borgan YPX xodimi O.Ortiqov tomonidan jami 5 ta «Lasetti» va 1 ta «Neksiya-3» rusumli avtomobillar to‘xtatilgan.
Avtomobillar haydovchilariga nisbatan qoidabuzarliklar bo‘yicha tegishli tartibda ma’muriy bayonnoma rasmiylashtirilib, transport vositalari jarima maydoniga joylashtirilgan.
Shundan so‘ng, qoidabuzarlik sodir etgan 11-sinf bitiruvchilarining ota-onalari, maktab direktori va sinf rahbarlari o‘rtasida muhokama o‘tkazilib tegishli choralar belgilangan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter