O‘zbekistonda ishlab chiqarilgan avtomobillar haqida animatsion film tayyorlanmoqda
«O‘zbekkino» milliy agentligi Badiiy kengashi tomonidan muallif Ismoil Shomurodovning «Matiz»ning sarguzashtlari» nomli ko‘p qismli multfilm ssenariysi ma’qullandi. Bu haqda agentlik axborot xizmati xabar berdi.
Ushbu animatsion filmning qahramonlari — yurtimizda ishlab chiqariladigan avtomobillardan tashkil topgan bo‘lib, unda bosh qahramon — kichkintoy «Matiz» bilan bog‘liq turli qiziqarli sarguzashtlar hikoya qilinadi. Filmni yaratishda Abdulatif Haydarov boshchiligidagi animatorlar guruhi hamda rassom Zilola Hamidova ijod qilmoqda.
Foto: «O‘zbekkino» MA
Hozirda multfilmning dastlabki 6 ta qismi bo‘yicha ishlar boshlab yuborildi. Ushbu yangi multfilmni yil so‘ngiga qadar bolajonlar e’tiboriga taqdim etish rejalashtirilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter