«Янги авлод Windows» қачон чиқиши маълум бўлди
«Microsoft» компанияси июнь ойи охирида тақдимот ўтказиб, «Янги авлод Windows»ни таништиради. Компания раҳбари Сатя Наделла бўлғуси апдейтни «Windows учун сўнгги ўн йилликдаги энг аҳамиятли янгиланиш», дея изоҳлаган.
Матбуот-анжумани пайшанба, 24 июнга белгиланган. Унда Наделла билан биргаликда «Microsoft»нинг маҳсулотлар бўйича директори Панос Панай қатнашади.
Ушбу тадбирдан онлайн-трансляцияни компания расмий сайти орқали Тошкент вақти билан соат 20:00 дан бошлаб томоша қилиш мумкин.
«Microsoft» ўз амалий тизимини жадаллик билан замонавийлаштиряпти. Охирги ойларда «Проводник» ишлаши барқарорлаштирилиб, Windows 95 давридан қолган иконкалардан воз кечилди, Bluetooth-аудиони қўллаш яхшиланиб, илгари Xbox ўйин консоллари эксклюзиви саналган Auto HDR технологияси татбиқ этилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter