«Xiaomi Mi 8»: Бармоқ изи сканери дисплей остига жойлаштирилган навбатдаги смартфон (видео)
Хитой ижтимоий тармоқларида дисплейига дактолоскопик сканер ўрнатилган «Xiaomi» смартфонининг видеоси пайдо бўлди. Ролик номидан келиб чиқиладиган бўлса, модель «Xiaomi Mi 8» деб аталади. Бу ҳақда «NV.ua» хабар берди.
31 май куни «Xiaomi» «Mi» флагманлар линиясига оид навбатдаги авлод смартфонига бағишланган матбуот анжуманини ўтказади. Ҳозирча смартфон айнан қандай номланиши номаълум: «Xiaomi Mi7» ёки «Xiaomi Mi8».
Қисқа ролик янги «Xiaomi» смартфонини ва унинг энг асосий хусусияти — экран ичига ўрнатилган бармоқ изи сканери функциясини намойиш этади. Видеога кўра, бармоқ изи сканери датчиги ўзининг юқори тезлиги билан ажралиб туради.
Аввалроқ тарқалган маълумотларда смартфонга 8 ядроли «Snapdragon 845» процессори, «Adreno 630» график тезлаштиргичи, шунингдек, 6 ёки 8 гигабайт тезкор хотира ўрнатилиши айтилган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter