«Samsung»да кимлар энг кўп маош олади?
Жанубий Кореянинг «Samsung» компаниясида 2021 йилда энг кўп маош олган топ-менежерлар маълум бўлди.
Мобил қурилмалар бўлинмасининг собиқ раҳбари Дон-Жин Кох 2021 йилда 11,8 млрд вон (9,63 млн доллар) ишлаб топди, жумладан, бонуслар — 4,04 млрд вон (3,3 млн доллар) ва пенсия нафақаси — 6,43 млрд вон (5,2 млн доллар). Кох декабрда лавозимини тарк этди.
Компаниянинг маиший техника бўлинмасини бошқарган Ким Хёк Сок ҳам ўтган йили истеъфога чиқди. У компаниянинг Кохдан кейин энг кўп маош олган раҳбари — 10,3 млрд вон (8,4 миллион доллар).
Кўп маош олувчилар орасида учинчи — Ким Ки Нам ўтган йили яримўтказгичлар бўлинмасини бошқарган, ҳозир эса келажак технологияларини тадқиқ қилиш ва ишлаб чиқиш бўлинмасига раҳбар. 2021 йилда у 8,64 миллиард вон (7 млн доллар) ишлади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter