«Samsung» 5G-смартфонлари: режа ва кутилмаган натижа
«REGNUM» компаниянинг матбуот хизматига асосланиб ёзишича, «Samsung» 2019 йили бешинчи авлод алоқа стандартига мансуб (5G) 6,7 миллион дона смартфон ишлаб чиқарди.
Режага кўра, компания 2019 йил давомида 5G-смартфонлардан 4 миллионтасини етказиб беришни режалаштирган экан. Кўриб турганингиздек, бу марра ортиғи билан забт этилган.
Қайд этилишича, 2019 йилнинг охирги ойида глобал бозорга етказилган 5G-смартфонларнинг 50 фоизидан ортиғи айнан «Samsung» русуми остида эди.
Ўтган йили 5G-смартфонларнинг жами смартфонлар бозоридаги улуши 1 фоиз атрофида айланди. «Samsung» компанияси 2020 йил 5G-технологиялар учун бурилиш йили бўлишини ва 5G-смартфонларнинг умумий бозордаги улуши 18 фоизгача ўсишини хомчўт қилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter