Nvidia бир кунда 600 млрд доллар қийматини йўқотди
График тезлаткичлар ишлаб чиқарувчи Nvidia (АҚШ) компанияси акциялари 27 январ куни 18 фоиз ёки 600 млрд доллар қийматини йўқотди.
Бу ChatGPTнинг хитойлик рақиби — DeepSeek иловаси муваффақияти фонида рўй берди.
DeepSeek асосчилари ўз сунъий интеллектларини яратишга олти миллон доллар атрофида сарфлашганини айтишмоқда, ваҳоланки, Google, Microsoft ва бошқа йирик компаниялар худди шундай лойиҳаларга миллиардлаб сарфлашмоқда.
Хитойча чат-бот саволларга жавоб беришда ChatGPT қолишмайди, ишлатиш анча ўнғай, энг муҳим жиҳатларидан бири — кучли компютерлардан фойдаланиш ҳам талаб этилмайди, шунинг учун ҳам энг кучли график тезлатгичлар чиқарувчи Nvidia учун бу акс таъсир қилди. Американинг Nvidiaдан бошқа техногигантлари акциялари ҳам анча қийматини йўқотган.
Тарихда ҳали ҳеч бир компания Nvidia сингари бир кунда 600 млрд доллар қийматини йўқотмаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter