АҚШнинг «Facebook» корпорацияси 2019 йилнинг апрель ойидан сентябригача бўлган муддатда 3,2 миллиардга яқин сохта аккаунтлар йўқ қилинганини маълум қилди. Ушбу маълумот ташкилот веб-сайтида эълон қилинган.

Таъкидланганидек, апрелдан июнгача 1,5 миллиард, июлдан сентябргача эса яна 1,7 миллиард саҳифа йўқ қилинди.

2018 йилнинг турли даврларида 800 миллион ва 754 миллион аккаунтлар йўқ қилинди.

Шуниси эътиборга лойиқки, барча ҳолатларда «Facebook» ходимлари фойдаланувчилар шикоятларини юборишдан олдин чора кўришган.

Шундай қилиб, апрелдан сентябргача зўравонликни эслатувчи 4,1 миллиарддан ошиқ постлар ва зўравонлик ҳақида 54,5 миллион нашр йўқ қилинди.

Шунингдек, террористик гуруҳларни тарғиб қилувчи 11,1 миллион пост, этник, этник ва ирқий адоватни қўзғашга қаратилган яна 11,4 миллион хабар тармоқдан ўчириб юборилди.

Бундан ташқари, «тозалаш» ишлари компаниянинг Инстаграм тармоғида ҳам олиб борилди.

Унда 2019 йил апрелдан сентябргача террористик гуруҳларни тарғиб қилувчи 240 мингга яқин хабарлар ва ўз жонига қасд қилиш ёки ўзини қийноққа солиш ҳақида 1,7 миллион хабарлар ўчириб юборилган.