«Times Higher Education» рейтинг агентлиги томонидан 2020 йил 22 апрел куни дунё университетлари рейтинги – «University Impact Ranking-2020» натижалари эълон қилинди. Мазкур рейтингда Тошкент ирригация ва қишлоқ хўжалигини механизациялаш муҳандислари институти «clean water and sanitation», «life on land» йўналишлари бўйича дунё университетларининг умумий рейтингида 201+ ўринни қайд этди. 

ТИҚХММИ ҳозирда Ўзбекистон тарихида иккита йирик THE ва QS рейтинг агентликлари томонидан тан олинган ягона олий таълим муассасаси ҳисобланмоқда.

Хабарингиз бор, 2019 йилнинг 14-15 октябр кунлари Литванинг Каунас шахрида «QS in Conversation» саммитида «Ривожланаётган Европа ва Марказиё Осиё» (Emerging Europe and Central Asia – EECA) рейтинги эълон қилинган. Унда мамлакатимизда биринчи бўлиб Тошкент ирригация ва қишлоқ хўжалигини механизациялаш муҳандислари инсититути мазкур рейтингда 301+ ўринда қайд этган.

Р.Жуманиёзов,
ТИҚХММИ матбуот хизмати раҳбари