Январь ойида VEON Group таркибига кирувчи Beeline Uzbekistan мамлакат пойтахти, ўнта вилоят ва Қорақалпоғистон Республикасида аввал ишга туширилган 150 дан ортиқ база станцияларини (БС) модернизация қилди. Янгиланган қурилмалар 4G/LTE тезкор маълумот узатиш технологиясини қўллаб-қувватлайди.

Тошкент шаҳридаги давлат ва хусусий мактабларнинг 100 нафар информатика ўқитувчиси «Нейрон тармоқлар ва сунъий интеллектни қўллаш» ҳамда «Киберхавфсизлик ва кибергигиена» дастурлари бўйича малака ошириш курсларини якунлади. Педагоглар учун таълим дастури Tashkent International University of Education (TIUE)да Beeline Uzbekistan билан ҳамкорликда амалга оширилди.

Тошкентда «Ҳамкорингизни билинг: самарали воситалар» халқаро форуми бўлиб ўтди. Форумнинг асосий мавзуси бизнесни ахлоқий юритиш меъёрларига риоя қилиш эди. VEON гуруҳи вакиллари ҳамкорлар билан муносабатлар хавфсизлигини таъминлаш ва комплаенс тамойилларига амал қилиш орқали компания бизнесини мустаҳкамлаш ҳақида сўзлаб беришди.

Beeline Uzbekistan мижозларининг смартфонларидаги тиниқ товуш босқичма-босқич мамлакатимизнинг барча ҳудудларида мавжуд бўлади. Ҳозирда хизмат Навоий шаҳри ва Навоий вилоятида йўлга қўйилган бўлиб, VoLTE технологиясини кенг миқёсда ишга тушириш ишлари куз фаслининг охиригача якунланади.