Yanvar oyida VEON Group tarkibiga kiruvchi Beeline Uzbekistan mamlakat poytaxti, o‘nta viloyat va Qoraqalpog‘iston Respublikasida avval ishga tushirilgan 150 dan ortiq baza stansiyalarini (BS) modernizatsiya qildi. Yangilangan qurilmalar 4G/LTE tezkor ma’lumot uzatish texnologiyasini qo‘llab-quvvatlaydi.

Toshkent shahridagi davlat va xususiy maktablarning 100 nafar informatika o‘qituvchisi «Neyron tarmoqlar va sun’iy intellektni qo‘llash» hamda «Kiberxavfsizlik va kibergigiyena» dasturlari bo‘yicha malaka oshirish kurslarini yakunladi. Pedagoglar uchun ta’lim dasturi Tashkent International University of Education (TIUE)da Beeline Uzbekistan bilan hamkorlikda amalga oshirildi.

Toshkentda «Hamkoringizni biling: samarali vositalar» xalqaro forumi bo‘lib o‘tdi. Forumning asosiy mavzusi biznesni axloqiy yuritish me’yorlariga rioya qilish edi. VEON guruhi vakillari hamkorlar bilan munosabatlar xavfsizligini ta’minlash va komplayens tamoyillariga amal qilish orqali kompaniya biznesini mustahkamlash haqida so‘zlab berishdi.

Beeline Uzbekistan mijozlarining smartfonlaridagi tiniq tovush bosqichma-bosqich mamlakatimizning barcha hududlarida mavjud bo‘ladi. Hozirda xizmat Navoiy shahri va Navoiy viloyatida yo‘lga qo‘yilgan bo‘lib, VoLTE texnologiyasini keng miqyosda ishga tushirish ishlari kuz faslining oxirigacha yakunlanadi.