Биринчи ўзбек механизатор аёли Турсуной Охунованинг хотира майдони ободонлаштирилди
Турсуной Охунова бюсти реставрация қилиниб, хотира майдони қайта қурилди, анча вақт қаровсиз қолиб кетган музей тикланиб, маданият марказига айлантирилди.
Эслайсизми, зулфиячилардан аввал турсунойчилар бор эди?
Унинг «мен ҳам онамга ўхшаб механизатор бўламан» деган сўзлари беш минг кишилик зални оёққа турғизади. Ҳилола икки марта меҳнат қаҳрамони, биринчи ўзбек механизатор аёли бўлмиш Турсуной Охунованинг 11 ёшли қизи эди. «Кремлнинг Съездлар саройини титратган қизнинг кейинги тақдири нима бўлди?» деган савол мени қизиқтириб келарди. Ҳилола билан учрашиб, суҳбатлашишга қарор қилдим.
