«Зулайҳонинг орзулари...» – самарқандлик тадбиркорнинг бизнес йўли
Матолардан санъат асарини яратиш – тикувчилик қадимдан қадрланган, энг кўп эҳтиёж сезилган ҳунарлардан бири. Бирор-бир қизалоқ йўқки, онаси ёки бувисининг қўлига игна тутганча ниманидир тикаётганига тақлид қилиб кўрмаган бўлса. Самарқандлик Зулайҳо Холмуродова ҳам ана шундай орзули қизалоқлардан бири эди. Бугун у ўша орзуларига эришган аёл: пардалар бизнесида «Arzu by Zulayho» брендининг эгаси, тадбиркор.
