Бир муддат олдин россиялик пропагандачи-амалдор Захар Прилепин очиқсасига босқинчилик ғоясини илгари сургани, унда гап муҳожирлар муаммоси ҳақида бошланиб, собиқ СССР ҳудудларини, жумладан, Ўзбекистонни Россия таркибига қўшиб олишга ҳеч ким қаршилик кўрсата олмаслиги билан тугагани ҳақида хабар берилган эди. 

Европа Иттифоқи Ўзбекистонда ОАВ эркинлиги ва очиқлиги борасидаги ислоҳотларни ижобий баҳолайди, айни чоқда, бу борада қилиниши керак бўлган ишлар талайгина деб ҳисоблайди.

Кеча Адлия вазирлиги томонидан бир қонун лойиҳаси муҳокама учун эълон қилинди. Ундаги қоида жуда оддий ва тушунарли эди. Яъни агарда бирорта давлат ташкилоти иш юритишда давлат тили ҳақидаги қонун ҳужжатлари талабларига риоя этмаса, ўша ташкилотнинг мансабдор шахсига маъмурий жарима солинади (446 минг сўмдан 1 млн 115 минг сўмгача).