Андроид қурилмалар учун Xabar.uz мобил иловаси. Юклаб олиш ×

УЕФА ЧЛ, 1/8 финал: жавоб ўйинида ҳам «Реал»ни ютган «Манчестер Сити» чорак финалга чиқди

УЕФА ЧЛ, 1/8 финал: жавоб ўйинида ҳам «Реал»ни ютган «Манчестер Сити» чорак финалга чиқди

Фото: «Reuters»

Европа майдонларига катта футбол қайтди. Чемпионлар лигаси 1/8 финалида «Манчестер Сити» ва «Реал» ўртасида жавоб ўйини бўлиб ўтди.

Ўйиннинг бошларида Жезуснинг узатмасини голга айлантирган Стерлинг жамоасини олдинга олиб чиқди. Раҳим учун бу жамоа сафида барча турнирларда урилган юзинчи, ЧЛ даги 20-гол бўлди.

Орадан кўп ўтмай Бензема боши билан жавоб голини уриб, мадридликларда умид уйғотди.

Иккинчи тайм ўрталарида гол уриш навбати Жезусга келди, унга рақиблар ҳимоячиси Рафаэль Вараннинг хатоси қўл келди.

Жамоалар ўртасидаги илк ўйинда 2:1 ҳисобида инглизлар ғолиб чиққанди. Ҳар икки ўйинда ҳам бир хил ҳисобни қайд этган Хосеп Гвардиола жамоаси УЕФА ЧЛ чорак финалига чиқди. Эслатиб ўтамиз, бу босқичдан барча ўйинлар Лиссабон (Португалия)да, битта матчлик тизимда ўтказилади.

«Реал», иккинчи мавсумдирки, ЧЛ чорак финалига чиқа олмаяпти. 2018/19 мавсумида мадридликлар икки ўйин натижасига кўра «Аякс»дан  (2:1, 1:4) қолиб кетганди.

УЕФА ЧЛ, 1/8 финал. Жавоб ўйини

Манчестер Сити — Реал Мадрид — 2:1

Голлар: Стерлинг (9), Жезус (68) — Бензема (28)

Биринчи ўйин — 2:1.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг