Шведлар нега норози?
Хабарингиз бор, ФИФА Польша терма жамоасини автоматик равишда Қатар-2022 жаҳон чемпионати саралашининг финал босқичига чиқарганди (полякларнинг рақиби Россия барча турнирлардан четлатилгани учун — таҳр.). Швеция футбол иттифоқи бош директори Хокан Шестранд ушбу ҳолатга спортга хос бўлмаган қарор, дея норозилигини билдирди.
Ташкилот матбуот хизмати Шестранддан иқтибос келтиришича, ФИФА полякларга янги рақиб тайинлаши керак эди. Ўшанда «адолатли қарор» бўларди.
Шведларни тушуниш қийинмас? Чунки саралаш финалида Польша терма жамоаси Швеция ва Чехия ўртасида 29 март куни бўлиб ўтадиган ўйиннинг ғолиби билан йўлланма учун куч синашади.
Оғир ўйиндан сўнг «дам олган», камига Левандовскидек энг зўр ҳужумчиси бор Польша билан тўқнашишни Чехия ҳам истамасди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter