Шомуродовдан гол ва ажойиб узатма: «Рома» йирик ҳисобда ғалаба қозонди
Римнинг «Рома» клуби мавсум олди сўнгги ўртоқлик учрашувида Марокашнинг «Ража Касабланка» клубига қарши майдонга тушди.
Римдаги «Олимпико» стадионида ўтказилган ўйинда Жозе Моуриньо Элдор Шомуродовни асосий таркибда майдонга туширди.
Ўзбекистонлик ҳужумчи римлик мухлислар қаршисидаги илк ўйинидаёқ ўзини кўрсатишга эришди. 17-дақиқада Элдор ҳимоячи ва дарвозабондан илдамроқ ҳаракат қилиб, қийин вазиятда чиройли зарбаси билан ҳисобни очди – 1:0.
20-дақиқада Манчини фарқни иккитага етказган бўлса, иккинчи бўлим бошида Элдор Шомуродовнинг бош билан етказган узатмасини Мхитарян голга айлантирди – 3:0.
59-дақиқада Моуриньо Шомуродовнинг ўрнига Майорални майдонга туширди.
Учрашув якунида римликлар йирик 5:0 ҳисобида ғалаба қозонди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter