Ўзбекистон Қаҳрамони Қувондиқ Саноқулов яна бир лавозимни эгаллади
«Навоий кон-металлургия комбинати»нинг бош директори, Ўзбекистон Қаҳрамони Қувондиқ Саноқулов Ўзбекистон гандбол федерацияси раиси лавозимига сайланди.
Бу ҳақда бугун Ўзбекистон Миллий Олимпия қўмитасида ташкил этилган мамлакат гандбол федерациясининг навбатдан ташқари ҳисобот-сайлов конференциясида маълум қилинди.
Йиғилишда федерацияга янги раҳбар сайланиб, Лос-Анжелес-2028 ёзги Олимпия ўйинларига тайёргарлик режаси кўриб чиқилган.
Тадбирда Қувондиқ Саноқулов бир неча йиллар давомида мамлакат сузиш федерацияси раиси лавозимида муваффақиятли фаолият олиб боргани эътироф этилди. Шу сабаб делегатлар унинг номзодни бир овоздан маъқуллашди ва Қ.Саноқулов мамлакат гандбол федерацияси раиси лавозимига сайланди.
Расмийлар бўлажак Олимпия ўйинларида жамоавий спорт турларида ҳам йўлланма олиш муҳим экани, бунинг учун барча терма жамоаларимизга керакли шароитлар яратиб берилиши ҳақида тўхталиб ўтишди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter