Бугун АОКАда Ўзбекистон енгил атлетика федерацияси бош котиби Камолиддин Рўзимуҳамедов иштирокида ўтказилган брифингда мавзу юзасидан маълумот берилди:

2021 йил 20 ноябрда «Пахтакор» стадионида «Save Aral» лойиҳасининг якуний тадбирлари бўлиб ўтади. «Save Aral» пойгаларини ўтказишдан мақсад — жамоатчилик эътиборини, Орол денгизининг қуриш оқибатларини юмшатишга ҳамда Орол бўйи минтақасини қайта тиклаш бўйича ҳаракатларни бирлаштиришга қаратилган тадбирларга жалб қилишдан иборат.

Тадбирлар дастури:

16:00 — Экиден, корпоратив жамоалар орасида спорт эстафетаси;

18:00 — «Save Aral-2021» Халқаро хайрия пойгасининг якуний босқичи.

Экиден — Японияда ўтказиладиган машҳур жамоавий ўйин-эстафета бўлиб, бугунги кунда у бутун дунё бўйлаб, шу жумладан, Ўзбекистонда ҳам машҳурлик қозонмоқда. Тадбирда иштирок этадиган жамоаларнинг кутилган сони — 50, ҳар жамоада 6 та иштирокчидан, ҳар босқич 1,5 км, экиденнинг умумий давомийлиги — 9 км. Экиденда иштирок этиш учун жамоани шакллантириш ва форма ҳамда иштирокчининг индивидуал рақамига эга бўлиш учун 18-19 ноябрь кунлари рўйхатдан ўтиш зарур. Старт олди тадбирларнинг бошланиши 15:00 да.

«Save Aral» — 3 км масофага ўтказиладиган оммавий пойга. Иштирокчилар учун ёши ва жинси бўйича чекловлар қўйилмаган. «Save Aral-2021» пойгасида якка тартибда иштирок этиш учун, тадбир ўтказиладиган куни – 20 ноябрда рўйхатдан ўтиш имконияти мавжуд бўлади.

Спорт тадбирларининг иштирокчилари учун спорт кийим-боши тақдим этилади (футболка, кепка, елка орти сумкаси).

Ғолиблар учун бир қатор қимматли совғалар ва мукофотлар ажратилади.

Батафсил маълумот: https://uzathletics.uz/news.

Ташкилотчилар: Туризм ва спорт вазирлиги, Ўзбекистон Республикаси Енгил атлетика федерацияси, Ўзбекистон триатлон федерацияси, Миллий Олимпия Қўмитаси ҳамда Тошкент вилояти ҳокимиятининг кўмагида.

Тадбирда иштирок этиш учун истак билдирган барча таклиф этилади – спортчилар ва тиббий қарши кўрсатмалари мавжуд бўлмаган югуриш ҳаваскорлари. Жамоавий пойгалар учун — Ўзбекистон компаниялари ва ташкилотларининг вакиллари.

Манзил: И.Каримов кўчаси, 98а, Енгил атлетика федерацияси.

Маълумотлар учун телефон: +998977201399