Криштиану Роналду трансфери учун 20 дона қўй таклиф қилинди
Фарер оролларининг «КИ Клаксвик» футбол клуби вакиллари «Манчестер Юнайтед» ҳужумчиси Криштиану Роналдунинг инглиз клубини тарк этиши мумкинлиги ҳақидаги миш-мишларга киноя билан муносабат билдиришди.
«Биз Роналду учун 20 дона энг яхши қўйимизни таклиф қилдик. Ҳозирда «Юнайтед»дан жавоб кутяпмиз», — дейилади клуб ижтимоий тармоқдаги постида.
Ҳозирда Роналду клубни расман тарк этгани йўқ. Олдинроқ Криштиану «Aтлетико Мадрид» билан навбатдаги ўртоқлик ўйинини (30 июл) ўтказиб юбориши, аммо «Райо Вальекано» билан ўйинда (31 июл) иштирок этиши, унда захирада бўлиш эҳтимоли катталиги хабар берилган.
Эслатиб ўтамиз, португалиялик футболчига «Aтлетико Мадрид» қизиқиш билдирмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter