Бугун Ўзбекистон футбол ассоциацияси Ўзбекистонда йилнинг энг яхшиларини тақдирлашга бағишланган маросимни ўтказди. Маросимда рамзий терма жамоа ҳам аниқланди.

2021 йилнинг энг яхши футболчиси номига Италиянинг «Рома» жамоаси ҳужумчиси Элдор Шомуродов муносиб топилди. Унга Ҳусайн Норчаев ва Жалолиддин Машарипов рақиблик қилганди.

Энг яхши мураббий эса «Насаф» клуби бош мураббийи Рўзиқул Бердиев бўлди. У бу борада Улуғбек Бақоев («Сўғдиёна») ва Темур Кападзени (ёшлар терма жамоаси) ортда қолдирди.

Шунингдек, Суперлиганинг 2021 йилги мавсум рамзий терма жамоаси ҳам аниқланди. Ундан жой олган футболчилар:

• Дарвозабон: Ўткир Юсупов (Навбаҳор)
• Ҳимоячилар: Марко Колакович (Сўғдиёна), Анзур Исмоилов (Пахтакор), Ҳусниддин Алиқулов (Насаф), Шерзод Насруллаев (Насаф)
• Ярим ҳимоячилар: Санжар Турсунов (АГМК), Эркин Бойдуллаев (Қизилқум), Драган Черан (Пахтакор)
• Ҳужумчилар: Шоҳруз Норхонов (Сўғдиёна), Ҳусаин Норчаев (Насаф), Азизбек Амонов (Локомотив)
• Мураббий: Улуғбек Бақоев (Сўғдиёна)