Дунёдаги энг кўп маош оладиган спортчи қиз яна чемпион бўлди
Япониялик Наоми Осака карьерасида иккинчи марта теннис бўйича АҚШ Очиқ чемпионатида ғолибликни қўлга киритди, дея хабар берди «РИА Новости».
Финалда Осака беларусь Виктория Азаренкога қарши кортга чиқиб, 1:6, 6:3, 6:3 ҳисобда уни енгди. Спортчилар кортда 1 соату 53 дақиқа беллашишди.
22 ёшли теннисчи 2018 йилда ҳам US Openда ғолиб бўлганди. Ўшанда финалда япониялик спортчига мағлуб бўлган Серена Уильямс ҳакамлар қарорига қарши чиқиб, жанжал кўтарган. У ҳакамлар ишидан норозилигини билдириб, уларни ўғрига чиқарган.
Осака дунёдаги энг кўп маош оладиган спортчи аёл сифатида тан олинган. Ўтган йили у $37,4 млн ишлаб топган. Бу Серена Уильямснинг маошидан $1,4 млн, Мария Шарапованинг $29,7 миллионлик рекордидан эса анча кўп.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter