Тошкент мезбонлик қилаётган бокс бўйича эркаклар ўртасидаги жаҳон чемпионати ўзининг ҳал қилувчи палласига кирмоқда.

Бугун мусобақанинг чорак финал жанглари ўтказилади. Унда Ўзбекистон терма жамоасининг 11 нафар вакили ярим финал чиптаси учун рингга кўтарилади.

Улар орасида Ҳасанбой Дўсматов – Томоя Субои (Япония, жаҳон чемпиони), Баҳодир Жалолов – Камшибек Конкабаев (Қозоғистон) каби финалга тенг жангларни кўриш мумкин.

Шунингдек, Лазизбек Мулложонов ва Асадхўжа Мўйдинхўжаев жаҳон чемпионатининг чорак финалида кубалик 5 карра жаҳон чемпионига ҳамда икки карра Олимпиада чемпионига қарши рингга чиқишади.

Шоҳжаҳон Абдуллаевнинг рақиби ҳам асли кубалик бўлган жаҳон чемпиони, Озарбайжон вакили Алфонсо Домингез бўлади.

Тўлиқ жуфтликлар:

-51 кг: Ҳасанбой Дўсматов - Томоя Субои (Япония) (Б ринг, 14:00)

-57 кг: Абдумалик Халоков - Ишиш Юсуф (Иордания) (Б ринг, 14:25 дан сўнг)

-63,5 кг: Руслан Абдуллаев - Лоунес Хамраоуи (Франция) (А ринг, 15:10 дан сўнг)

-71 кг: Саиджамшид Жафаров - Игор Свиридченков (Россия) (Б ринг, 15:25 дан сўнг)

-92 кг Лазизбек Мулложонов - Сезар Ла Круз (Куба) (А ринг, 16:25 дан сўнг)

-54 кг: Ойбек Жўраев - Габриэл Эскобар (Испания) (Б ринг, 18:40 дан сўнг)

-60 кг: Мужибилло Турсунов - Всеволод Шумков (Россия) (Б ринг, 18:55 дан сўнг)

-67 кг: Асадхўжа Мўйдинхўжаев - Рониел Иглециас (Куба) (Б ринг, 19:25 дан сўнг)

-75 кг: Аълохон Абдуллаев - Филип Акилов (Венгрия) (Б ринг, 19:55 дан сўнг)

-86 кг: Шоҳжаҳон Абдуллаев - Алфонсо Домингез (Озарбайжон) (А ринг, 20:25 дан сўнг)

+92 кг: Баҳодир Жалолов - Қамшибек Конкабаев (Қозоғистон) (Б ринг, 21:10 дан сўнг)