«Барселона» Испания чемпионатининг сўнгги турида «Леванте»га имкониятни бой бериб қўйди.

Каталония клуби мавсумни мағлубиятсиз якунлашга жуда яқин келган эди — бунақаси замонавий испан футболида кузатилмаган. «Атлетик» (1929/30) ва «Реал Мадрид» (1931/32) чемпионатни мағлуб бўлмай тугатганда Ла лига ўйинлари 38 эмас, 18 тур давом этган эди.

«Барселона» сўнгги бор 2017 йилнинг 8 апрелида «Малага»га ютқазган эди.

Кечаги ўйиннинг 56-дақиқасига қадар «Барселона» 1:5 ҳисобида ютқазаётган эди. Аммо 15 дақиқа ичида ҳисоб 4:5гача қисқарди. Аммо дурангга эришиш каталонияликларга насиб этмади.

Леванте – Барселона 5:4 (2:1, 3:3)
Голлар: 1:0 – 9 Боатенг, 2:0 – 30 Боатенг, 2:1 – 38 Коутиньо, 3:1 – 46 Барди, 4:1 – 49 Боатенг, 5:1 – 56 Барди, 5:2 – 59 Коутиньо, 5:3 – 64 Коутиньо, 5:4 – 71, пенальти Суарес.
Леванте – Оласабаль, Коке, Постиго, Робер, Луна, Моралес (Рочина, 85), Кампанья, Лукич, Барди, Марти (Лерма, 69), Боатенг (Паццини, 77).
Барселона – тер Стеген, Нелсон Семеду, Мина, Вермален (Пике, 31), Альба, Ракитич, Бускетс, Дембеле (Пако Алькасер, 60), Иньеста (Денис Суарес, 60), Коутиньо, Суарес.