АПЛ: 2020 йилнинг энг яхши футболчиси эълон қилинди
«WhoScored» аналитик портали Англия Премьер-лигасининг энг яхши футболчисини маълум қилди. Бу ҳақда ташкилотнинг Twitter-аккаунтида хабар берилган.
Тўпланган статистик маълумотларга кўра, «Манчестер Сити»нинг бельгиялик ярим ҳимоячиси Кевин де Брюйне чемпионатнинг энг яхши футболчисига айланди. У ҳар бир ўйинда ўртача 3,7 та ҳал қилувчи узатмани амалга оширган. Футболчи жамоаси учун мунтазам равишда хавфли вазиятларни яратган. Де Брюйне ҳисобида 26 та ўткир эпизод мавжуд (лигадаги энг яхши кўрсаткич).
Бундан ташқари, бельгиялик 8 та гол урган ва 15 та голли узатмани амалга оширган. «Манчестер сити» АПЛнинг 14 туридан сўнг саккизинчи ўринда бормоқда.
Де Брюйне «шаҳарликлар» сафида 2015 йилдан бери тўп суриб келмоқда. У Манчестер клуби сафида икки марта Англия чемпионлигини қўлга киритган. Бельгия терма жамоаси таркибида ушбу ярим ҳимоячи 75 та учрашув ўтказиб, 19 та голга муаллифлик қилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter