Ягона порталга яна иккита янги хизмат қўшилди
Ягона интерактив давлат хизматлари порталининг уй-жой коммунал хизматлари бўлимига яна иккита хизмат қўшилди. Бу ҳақда «Норма» хабар берди.
Янги йўлга қўйилган «Электр энергиясини ҳисобга олиш тизимини пломбалаш ва электр таъминоти шартномасини тузиш» хизмати тегишли таомилларни ўтказиш учун мутахассисни чақириш имкониятини беради.
«Истеъмолчилар иссиқлик тармоқларини ва иссиқликдан фойдаланиш ускуналарини ишга туширишга рухсатнома бериш» сервиси эса зарур ҳужжатларни олишга буюртма бериш учун мўлжалланган.
Эслатиб ўтамиз, ЯИДХПнинг УКХ бўлимида сув таъминоти ва сув оқава, электр тармоқларига, иссиқлик таъминоти тармоғи ва газ тармоқларига уланишда таомиллардан ўтишга буюртма бериш мумкин. «Электр таъминоти корхонаси вакилини чақириш» хизмати ёрдамида маълумотнома олиш, ҳисоблагични ўчириш, алмаштириш, ўрнатиш ва пломбалаш учун мутахассисни сизга қулай вақтга чақириш мумкин.
Газчилар томонидан «Газ таъминоти бўйича қарздорлик/ортиқча тўловни олдиндан ҳисоб-китоб қилиш» хизматидан фойдаланиш имконияти тақдим этилмоқда.
«Коммунал хизматлар» сервиси ёрдамида автоматик режимда коммунал тўловлар бўйича қарздорлик ҳолатини текшириш мумкин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter