Хитойда жосус кабутарлар хизматидан фойдаланиш йўлга қўйилди
Хитой ҳукумати уйғурлар яшайдиган Шинжон вилоятидан бошлаб 5 та ҳудудни жосус-робот кабутарлар орқали кузатиб бора бошлади. Бу ҳақда «Sabah» хабар бермоқда.
Ҳонконгда жойлашган «South China Morning Post» газетаси маълумотларига кўра, Хитой қўшини сўнгги йилларда жосус-робот кабутарлар ҳамда дронлар орқали асосан мусулмонлар яшайдиган ҳудудларни кузатиб бораяпти.
Жосус-робот кабутарни Хитой қўшинларининг буюртмаси асосида Шиань шаҳридаги Шимоли-ғарб техника университети профессори Сонг Бифенг ихтиро қилган.
Яқин келажакда бу жосус-робот кабутарларнинг вазифалари янада кенгаяди.
Жосус-робот кабутарларни табиий кабутарлардан ажратиш қийин. Мутахассисларнинг айтишича, роботлар овозсиз ҳаракат қилиб, жонли кабутарга 90 фоиз ўхшайди.
1,54 миллиард АҚШ доллари қийматига тенг лойиҳа яқин келажакда фақат ҳарбий ва хавфсизлик соҳаларида эмас, балки фавқулодда ҳолатлар, атроф-муҳитни асраш, шаҳарлар лойиҳасини ишлаб чиқишда ҳам қўлланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter