Урдун (Иордания)да халқ қўзғалди
Урдун (Иордания) ҳукумати солиқ ҳамда нарх-навони оширгани учун халқ қўзғалди. Аҳоли мамлакатдаги кескин иқтисодий сиёсатга қарши намойиш уюштирмоқда. Ҳали бундай намойиш, қўзғалиш кузатилмаган эди. Бу ҳақда «Haber7» хабар бермоқда.
«Voice of America» нашри чоп этган хабарда кўчаларда полиция ходимлари билан аҳоли тўқнаш келишаётгани маълум қилинган. Ҳукумат биносига кирмоқчи бўлган намойишчиларга тазйиқ ўтказилмоқда.
Намойишларда «Халқ ҳукуматни тўнтармоқчи» деган овозлар эшитилаяпти.
Шанба, 2 июнь куни қирол Абдуллоҳ, бош вазир ва ҳукумат аъзолари йиғилиш ўтказган эди. Мамлакатнинг расмий ахборот агентлиги «Petra» қиролнинг иқтисодий ислоҳотлар фақат халқ ҳисобига амалга оширилмаслиги керак деган гапини тарқатди.
Халқ қирол тайинлаган ҳукуматга қарши чиқмоқда.
Урдун анча пайтдан бери ташқи қарзларини қоплаш мақсадида иқтисодий ислоҳотлар олиб бораётгани халқаро миқёсда эътирозларга сабаб бўлаётган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter