Ucell «Horizon Travel Union» билан ҳамкорликда Ўзбекистон Республикасининг барча аҳолиси фойдаланиши мумкин бўлган Ўзбекистондаги биринчи мобил рақамли туроператорни ишга туширмоқда.

Ucell бренди остида хизматлар тақдим этувчи Ўзбекистон Республикасининг мобил алоқа оператори – «COSCOM» МЧЖ туризм соҳасида технологик лойиҳаларни ишлаб чиқишга ихтисослашган ва унинг бир қисми бўлган «Horizon Travel Union» МЧЖ билан ҳамкорликда «IT Monsters» холдинги хизматларидан Ўзбекистон Республикасининг барча резидентлари фойдаланиши мумкин бўлган Ўзбекистондаги биринчи мобил рақамли туроператор – Ucell Travel хизматини тижорий ишга туширди.

• Ucell Travel энг машҳур йўналишларга манфаатли саёҳат таклифларини бир жойда тўплайди. https://travel.ucell.uz веб-сайтида сиз уйингиздан чиқмасдан туриб, сизни қизиқтирган мамлакатга мос турни, қулай рейсни танлашингиз ва харид қилишингиз ёки ўзингиз қизиққан меҳмонхонани брон қилишингиз мумкин.

Ucell Travel лойиҳаси туризм ва коммуникация соҳасидаги энг яхши технологик ечимлар ва илғор тажрибаларни ўзида мужассам этган рақамли саёҳат хизматларини ривожлантириш бўйича биринчи ҳамкорликдир.

Фойдаланувчилар учун турли тоифалардаги бир ярим миллиондан ортиқ меҳмонхоналарнинг катта танлови, мослашувчан ва қулай йўналишларга эга авиачипталар, шунингдек, энг машҳур йўналишларга, жумладан Туркия, БАА, Миср, Малдив ороллари, Россия, Европа мамлакатлари ва бошқаларга турпакетлар таклиф этилади.

Сайтга кириб, фойдаланувчи бир неча дақиқада мос турпакет, меҳмонхона ёки авиачиптани танлаши, брон қилиши ва ҳақини тўлаши, сўнгра сайтдаги шахсий кабинетига ҳужжатларнинг тўлиқ пакетини олиши мумкин.

Саёҳат маҳсулотларини брон қилиш ва сотиб олишдан ташқари, мижозлар доимий равишда янгиланиб турадиган қўшимча хизматлар рўйхатидан ҳам фойдаланишлари мумкин: турли суғурта опсияларидан тортиб қулай ва ташвишсиз саёҳат қилиш учун бошқа махсус хизматлар.

Лойиҳанинг асосий устувор йўналиши Ucell Travel мижозлари учун қулай ва хавфсиз саёҳатни таъминлашдан иборат. Ушбу мақсад йўлида «Horizon Travel Union» лойиҳаси жамоаси фақат синовдан ўтган ва ишончли халқаро етказиб берувчилар билан ҳамкорлик қилади, бу эса Ucell Травел мижозларига ҳар бир босқичда саёҳат хавфсизлигини кафолатлаш имконини беради.

Ucell Травел лойиҳасининг технологик асоси «Horizon Travel Union» томонидан Digital Travel Solutions OÜ билан стратегик ҳамкорликда, чуқур саноат тажрибасини ҳисобга олган ҳолда ишлаб чиқилган ва замонавий туроператорлар, мезбон компаниялар, авиакомпаниялар, бед-банклар ва туризм индустриясининг бошқа иштирокчилари фаолиятининг бутун операцион циклини қамраб олган комплекс дастурий ечимдир. Бу кўп тармоқли туризм бозорининг барча хусусиятларини ҳисобга олган ҳолда фойдали туристик маҳсулотни динамик равишда шакллантириш имконини беради. Ўз навбатида, бундай технологик асос ҳам мижозларга юқори даражадаги хизмат кўрсатиш ҳамда энг содиқ нарх таклифлари ва жойлаштириш шартларини тақдим этишга имкони беради.

Яқин келажакда доимий мижозлар учун фойдали ва саховатли содиқлик дастурини йўлга қўйиш билан бир қаторда, Ўзбекистон Республикасида ички туризмни ривожлантиришга қаратилган бой таклиф ва туристик дастурларни ишга тушириш, чет эллик сайёҳларни жалб этиш ва уларни мамлакатнинг барча гўзалликлари билан яқиндан таништириш режалаштирилган.

Ucell Travel – туризм саноати ривожланишидаги янги инновацион босқичдир.

Ucell Travel – мижозларга тез, ишончли, фойдали ва хотиржам саёҳат қилиш имконини беради!

«COSCOM» МЧЖ компанияси ҳақида

Ucell компанияси - МЧЖ ҚК «Digital Holding»га тегишли бўлган, Ўзбекистондаги йирик уяли алоқа операторидир. Ucell тармоғи GSM, UMTS, HSPA, LTE ва 5G технологияларидан фойдаланган ҳолда Ўзбекистонда мобил телефония ва мобил Интернет хизматларини таклиф этади. Ucell компанияси 1996 йилда «COSCOM» бренди остида ташкил этилган. 2021 йилда USM Telecom ва  PJSC «MegaFon» Марказий Осиёдаги энг йирик телекоммуникация бозорининг технологик етакчисига айланадиган «Digital Holding» қўшма корхонасини яратишди.

Оператор ҳақида батафсил маълумот: www.ucell.uz

«Horizon Travel Union» МЧЖ ҳақида

«Horizon Travel Union» Ўзбекистон Республикасидаги биринчи рақамли туроператор бўлиб, DIT Systems томонидан ҳамкорлар билан асос солинган IT Monsters ўзбек технологик холдингига тегишли. Сайёҳлик саноатида замонавий ечимларни ишлаб чиқишга ихтисослашган Digital Travel Solutions OÜ билан стратегик ҳамкорлик доирасида «Horizon Travel Union» компанияга етакчи халқаро етказиб берувчилар ва дистрибюторлар билан самарали ва бевосита ўзаро алоқада бўлиш имконини берувчи технологик ишланмалар мажмуасидан фойдаланади.

Компания ҳақида батафсил маълумот: www.travelunion.uz

Реклама