Туркиядаги автоҳалокатда етти инсон ҳалок бўлди
Туркиянинг Измир вилоятида фожиали ЙТҲ содир бўлди. «Синьхуа» ахборот агентлиги маҳаллий ОАВ маълумотларига асосланиб хабар тарқатишича, Бужа туманидаги Кайнаклар аҳоли маскани ҳудудида иккита фургон тўқнашиб кетган.
«IHA» портали маълумотига кўра, оиласини дам олишга олиб кетаётган ҳайдовчи машина бошқарувини йўқотиб, қарама-қарши йўналишга чиқиб кетган. Рўпарадан келаётган автомобиль билан тўқнашув оқибатида унинг машинасида кетаётганлардан ҳеч бир инсон омон қолмаган. Жами етти нафар инсон ҳалок бўлган, улар орасида тўрт нафар бола, жумладан, бир нафар гўдак бор.
Иккинчи машинанинг жароҳат олган ҳайдовчиси касалхона ётқизилган.
Воқеа жойида экспертлар ишламоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter