Андроид қурилмалар учун Xabar.uz мобил иловаси. Юклаб олиш ×

Туркия COVID-19га қарши қайси вакцинадан фойдаланиши аниқ бўлди

Туркия COVID-19га қарши қайси вакцинадан фойдаланиши аниқ бўлди

Фото: «Atlasdergisi.com»

Туркия ҳукумати коронавирусга қарши Хитойнинг «SinoVac» компаниясига тегишли «СoronaVac» вакцинасини фавқулодда вазиятларда фойдаланишни маъқуллади, пайшанба куни шифокорларни эмлаш бошланади, деди республика Соғлиқни сақлаш вазирлиги раҳбари Фахреттин Кожа.

«Хитой вакцинасини синовдан ўтказиш бугун якунига етди, у етарлича ишончли. Бугун оқшомдан бошлаб фавқулодда вазиятларда вакцинадан фойдаланиш маъқулланди. Эртанги кундан шифокорлар эмлана бошлайди», — дея маълум қилди Кожа.

Вазирнинг сўзларига кўра, ўзи ва илмий кенгаш аъзолари чоршанба куниёқ вакцинациядан ўтмоқчи.

Aввалроқ Кожа Хитойнинг «SinoVac» компанияси вакцинани етказиб беришни бошлаганини эълон қилган эди. Туркия февралнинг охирига қадар 50 миллион дозани олишни кутмоқда. Шунингдек, Туркия ҳукумати март ойининг охирига қадар Aмериканинг «Pfizer» компанияси ҳамда унинг немис ҳамкори «BioNTech» томонидан ишлаб чиқарилган 4,5 миллион доза коронавирусга қарши вакцинани сотиб олмоқчи.

Туркияда эмлаш тўрт босқичда амалга оширилади. Дастлаб вакцина шифокорлар ва хавф остида бўлганлар томонидан қабул қилинади, вакцинациянинг биринчи босқичи 9 миллионга яқин одамни қамраб олиши кутилмоқда.

«Worldometers» маълумотларига кўра, Туркияда коронавирусга чалинганлар сони 2,346,285 кишига етди. 23,152 бемор ҳаётдан кўз юмди. 2,218,464 киши касалликдан фориғ бўлган.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг