Тунги клубдаги муштлашув «Барселона» ярим ҳимоячисига 800 минг еврога тушди
«Барселона» ярим ҳимояси Артуро Видал тунги клубдаги муштлашув учун 800 минг евро жаримага тортилди.
«TZ» хабар беришича, жанжал 2017 йили Мюнхендаги тунги клублардан бирида содир бўлганди. Ўшанда Видал қўлига илинган шиша идиш билан бир одамнинг бошига урганди.
Судда Видалнинг ўзи қатнашмади, у Чили ва Мексика ўйинида иштирок этишга кетганди, қарор сиртдан чиқарилди.
Суд қарорига кўра, Видал 80 кун давомида жаримани тўлаб бериши керак. Шунингдек, жанжалда қатнашган Видалнинг укаси Сандринога ҳам жарима белгиланди. У 18 минг евро тўлайди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter