Туғилиш камайиб кетган Туркияда «Оила ўн йиллиги» эълон қилинди
Туркия президенти Ражаб Тоййиб Эрдўғон Истанбулда бўлиб ўтган халқаро оила форумининг очилишида «Оила ўн йиллиги»ни эълон қилди. Мақсад — мамлакатда туғилиш камайишининг олдини олишдир.
«2026 йилдан 2035 йилгача бўлган давр оила ва аҳоли ўн йиллиги деб эълон қилинди. Мамлакатимиз катта хавфга дуч келмоқда: Туркияда туғилиш даражаси тарихимизда илк бор бир аёлга 1,48 болагача тушиб кетди. Бу фалокат», — деди Туркия етакчиси.
Эрдўғон кўрсаткич 2,1лик хавфли чегарадан ҳам анча пастлигини, буни огоҳлантириш ҳамда ҳаракатланиш учун чақириқ деб билиш кераклигини таъкидлади. Туркиядаги ҳар бир оила камида уч нафар фарзандли бўлиши керак, деди у.
Эслатиб ўтамиз, январ ойида Туркия президенти 2025 йилни «Оила йили» деб эълон қилган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter