«Тажен» («Довут-ота») постидаги чекловлар яна 4 ойга узайтирилди
Қозоғистоннинг «Тажен» (Ўзбекистоннинг «Довут-ота») чегара ўтказиш пункти орқали шахслар, енгил автомобиллар, автобуслар ҳамда рухсат этилган тўлиқ вазни 3,5 тоннадан ошмайдиган юк автомобиллари ҳаракати бўйича жорий йил 1 феврал санасидан киритилган чекловлар яна 4 ой муддатга (2025 йилнинг 1 сентябрига қадар) узайтирилди.
Қайд этилишича, чеклов муддатининг узайтирилиши мазкур ўтказиш пунктларида муҳандислик тармоқларини ётқизиш, биноларни капитал таъмирлаш, металл конструкцияларни ўрнатиш каби кенг кўламли ишлар олиб борилаётганлиги билан боғлиқ.
Чеклов Қозоғистон Республикаси томонидан жисмоний шахслар ва транспорт воситаларининг хавфсизлигини таъминлаш, қурилиш ва реконструкция ишларини жадаллаштириш мақсадида жорий этилган.
Маълумот учун, рухсат этилган тўлиқ вазни 3,5 тоннадан ортиқ бўлган юк автомобиллари мазкур чегара ўтказиш пункти орқали ҳаракатни амалга оширишлари мумкин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter