Шимолий Кореяда коронавирусдан ўлганлар бор — Япония
Японияда нашр этиладиган «Sankei Shimbun» ҳафталик газетасининг хабарига кўра, коронавирус қайд этилмаган деб ҳисоблаб келинган КХДРда COVID-19дан ўлганлар сони камида 267 нафарга етган.
«Шимолий Корея халқ озодлик фронти» қочқинлари уюшмаси докладида КХДРда 48 528 киши карантинга олингани, 267 киши вафот этгани айтилади.
Вафот этганларнинг барчаси илгари коронавирус юқтирганлар сифатида рўйхатга олинганлар. Хамгён-Намдо провинциясида 13 750 киши (41 та ўлим ҳолати), Синийжу шаҳрида 2 426 киши (51 та ўлим ҳолати), Пхеньянда 125 киши (5 та ўлим ҳолати) карантинга олинган.
КХДРда 1 апрелдан жамоат тадбирларини ўтказиш чекланган, барча фуқароларга ниқоб тақиб юриш мажбурияти юкланган, дейилади докладда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter