ЖЧ-2022 ғолиблигига асосий даъвогар сифатида кўрилаётган Аргентина турнирни мағлубият билан бошлади.

Саудия Арабистони 2-бўлим бошида 5 дақиқа ичида иккита гол уриб, Аргентинага қарши ўйинда иродали ғалабага эришди.

Аргентиналиклар учрашувнинг 10-дақиқасида Лионел Мессининг пенальтидан киритган голи эвазига олдинга чиқиб олишганди. Бундан кейин Аргентинанинг учта голи офсайт туфайли ВАР томонидан бекор қилинди.

Саудияликлар иккинчи бўлим бошида иккита гол билан муносиб жавоб қайтарди.

Қолган дақиқаларда Аргентина қанчалик ҳаракат қилмасин, Осиё жамоаси ҳимоясини бузиб ўта олмади. Шу тарзда турнирдаги дастлабки сенсация қайд этилди.

ЖЧ-2022. С гуруҳи. 1-тур. 

Аргентина – Саудия Арабистони 1:2
Голлар: 1:0 – 10, пенальти Месси, 1:1 – 48 Аш-Шаҳри, 1:2 – 53 Ад-Довсарий.

Аргентина – Мартинес, Молина, Отаменди, Ромеро (Мартинес, 59), Тальяфико (Акунья, 71), Ди Мария, Гомес (Альварес, 59), Паредес (Фернандес, 59), Де Пауль, Месси, Мартинес.

Саудия Арабистони – Ал-Овайс, Абдулҳамид, Ал-Булайҳий, Томбакти, Аш-Шаҳроний, Ад-Досарий, Ал-Фараж (Ал-Обид, 45), Канно, Ал-Малки, Ал-Бурейкан, Аш-Шаҳри (Ал-Ганам, 78).

Огоҳлантиришлар: Ал-Малки (67), Ал-Булайхи (75), Ад-Довсарий (79), Абдулҳамид (82).