Руминия президенти истеъфога чиқишини эълон қилди
Руминия президенти Клаус Йоханнис 12 феврал куни истеъфога чиқишини маълум қилди. У бу қарорни парламентдаги мухолифатнинг унга импичмент эълон қилишга уринишлари фонида қабул қилган.
Йоханниснинг ваколат муддати дастлаб 2024 йил 21 декабрда тугаши керак эди. Ўшанда унинг вориси сайланиши керак эди, бироқ ноябрь ойида бўлиб ўтган президентлик сайловларининг биринчи босқичи натижалари Россиянинг сайловолди кампаниясига аралашуви гумони туфайли Конституциявий суд томонидан бекор қилинган эди.
Биринчи турда «россияпараст номзод» деб аталган Калин Георгеску етакчилик қилди. Иккинчи ўринни Руминияни қутқариш иттифоқидан Елена Ласкони эгаллади.
Май ойига янги сайлов санасини белгилагандан сўнг, Олий суд Йоханниснинг ваколат муддатини янги президент сайлангунга қадар узайтириш ҳақида қарор чиқарди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter