Россия биринчи марта Украинада гипертовушли қуроллардан фойдаланганини тан олди
Россия Федерацияси Мудофаа вазирлиги биринчи марта Украинадаги жанговар ҳаракатлар жараёнида гипертовушли қуроллар қўлланганини тан олди. Бу ҳақда брифингда маълум қилинган.
«Гипертовушли аэробаллистик ракеталарга эга «Кинжал» авиация ракета тизими Ивано-Франковск вилоятидаги катта ер ости ўқ-дорилар омборини йўқ қилди», — деди Россия Мудофаа вазирлиги матбуот котиби Игор Конашенков.
Унинг айтишича, Россия қўшинлари, шунингдек Одесса вилоятидаги электрон разведка марказларига «Бастион» ракеталари орқали зарба берган.
2021 йил декабр ойида Мудофаа вазири Сергей Шойгу «Кинжал» гипертовушли ракетаси билан билан қуролланган МиГ-31К самолётларидан иборат алоҳида авиация полки пайдо бўлишини эълон қилганди. Ўша йилнинг кузида Россия президенти Владимир Путин мамлакат «АҚШнинг ракетага қарши мудофаа тизимини жойлаштиришига жавобан» гипертовушли қуролларни яратишга киришилганини айтганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter