Қобулда президент саройининг 20 нафар ходими коронавирусга чалинди
Қобулда президент саройининг 20 нафар ходимида коронавирусга таҳлил натижалари мусбат чиқди, дея хабар берди «TOLOnews» телеканали.
Унга кўра, мутахассислар жами 517 кишида тест ўтказишган. Манбада айтилишича, COVID-19 ни юқтириш ҳолати аниқлангандан сўнг мамлакат соғлиқни сақлаш вазирлиги президент саройининг бошқа ходимлари ва амалдорларида ҳам таҳлил натижаларини олишган.
Мамлакат президенти Ашраф Ғани коронавирусга таҳлил топширган ёки йўқлиги хабар қилинмаган.
Маълумотларга кўра, Афғонистонда 555 киши коронавирус инфекциясини юқтирган бўлиб, улардан 15 нафари вафот этган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter