Путин нима сабабдан Зеленский билан учрашмаслиги изоҳланди
Россия президенти Владимир Путин ва Украина президенти Владимир Зеленскийнинг учрашуви Россия-Украина музокаралари натижасига боғлиқ. Бу ҳақда Путин Европа кенгаши президенти Шарл Мишел билан телефон орқали мулоқоти чоғида маълум қилган.
«Шарл Мишелнинг Владимир Зеленский билан тўғридан-тўғри алоқа ўрнатиш ҳақидаги чақириғига Россия президенти жавоб берди. Унинг таъкидлашича, бундай имконият, хусусан, Россия ва Украина вакиллари ўртасида давом этаётган музокаралардаги аниқ натижаларга боғлиқ бўлиб, бунда Украина томони ҳозирча ўзаро мақбул ечимларни излашга тайёр эмас», — дейилади Кремл сайтида.
Зеленскийнинг ўзи эса бир неча бор Путин билан ҳар қандай форматда учрашишга тайёрлигини ва учрашувда нималарни муҳокама қилишини ҳам айтган эди.
Икки давлат президентлари фақатгина бир марта — 2019 йил декабр ойида, Норманд саммитининг Париждаги йиғинида учрашишган холос.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter