«Барселона» президенти Мессидан нега хафа?
«Барселона» президенти Жоан Лапорта ҳужумчи Лионель Мессининг Каталония клубида қолиб, унинг учун текин ўйнаш ўрнига ПСЖга ўтиш қароридан хафа бўлганини тан олди. Унинг сўзлари Marca томонидан келтирилган.
«Ҳамма далиллар шуни кўрсатадики, у «Барса»дан кетишдан олдин «ПСЖ»дан таклиф олган. Бир қарорга келганда, мен ҳамма нарсани «Барселона» фойдаси учун қиляпман деб ўйладим. Мен вазият ўзгаради, Месси «Барса»да текин ўйнашни таклиф қилади деб умид қилгандим, лекин унинг даражасидаги ўйинчидан бундай бўлишини кутиш мумкин эмас», — деди Лапорта.
У Мессини «Барселона» тарихидаги энг яхши футболчи деб билишини қўшимча қилди.
28 сентябрь куни Месси Париж клуби учун биринчи голни урди. 34 ёшли аргентиналик футболчи Чемпионлар лигаси гуруҳ босқичининг 2-турида «Манчестер Сити»га қарши ўйиннинг 74-дақиқасида гол урди. Учрашув Парижда бўлиб ўтди, мезбонлар 2:0 ҳисобида ғалаба қозонишди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter